ASKOFU DKT BAGONZA AWAVAA VIKALI WALIOJIITA WAKATOLIKI WALIONDAMANA KWENDA UBALOZI WA VATICAN

 

Askofu wa Jimbo Katoliki Bukoba, Dkt. Methodius Kilaini Bagonza (PhD), amepongeza Jeshi la Polisi kwa kuonesha ukomavu na ustaarabu kwa kuruhusu maandamano ya waumini waliokwenda kueleza hisia zao katika Ubalozi wa Vatican nchini, akisema hatua hiyo ni ishara chanya ya kuheshimu uhuru wa maoni na hisia za wananchi.

Hata hivyo, Askofu Bagonza ameitaka Serikali na Polisi kudumisha msimamo huo kwa usawa kwa makundi yote, akirejea matukio ya awali yaliyohusisha kauli za vitisho, ukamataji wa waumini na madai ya ukandamizaji wa haki za kidini. 

Amehoji mantiki ya kuvumilia baadhi ya kauli hatarishi huku wengine wakichukuliwa hatua za kisheria kwa kueleza maoni yao.

Katika tahadhari yake, Askofu Bagonza amesema chuki dhidi ya Kanisa Katoliki inayoibuka kwa sasa ina viashiria vya ajenda pana yenye nia mbaya zaidi dhidi ya Serikali kuliko Kanisa lenyewe, akisisitiza kuwa vita dhidi ya Ukatoliki huchochewa na misukumo ya kidini isiyofichika, jambo linalopaswa kutafakariwa kwa umakini na mamlaka husika